Epesus 2

Hamu pe, nungamate hamu na jolo hinorhon ni angka pangalaosion dohot dosa muna,

angka na niulahon muna marguru tu tingki ni hasiangan on, mangihuthon lomo lomo ni na marhuaso di aoang aoang, i ma tondi na mangula nuaeng di bagasan anak na so siat hata.

Raphon nasida do nang hitra sasudena najolo mangulahon angka hisap hisap nidagingta, di na taturut lomo lomo ni daging i rodi sangkap sangkapna, jadi anak sirimasan do hita siang bangko hian, doshon angka na asing.

Alai anggo Debata parasiroha bolon do jala parholongroha na balga maradophon hita.

Jala raphon Kristus do dipangolu Ibana hita, angka naung mate di bagasan angka pangalaosion; na sian asi ni roha do, umbahen na malua hamu!

gabe rap dipangolu jala rap dipabangkit hita tu gomgoman banua ginjang, di bagasan Kristus Jesus.

Laos patuduhononna do di angka tingki na naeng ro dope surung ni hamoraon ni asi ni rohana, di habasaonna i maradophon hita, di bagasan Kristua Jesus.

Ai sian asi ni roha do, umbahen na malua hamu, dalan haporseaon; jala ndada binahen mina, silehon lehon ni Debata do.

Nda tung sian parulaon i, asa unang adong na mamuji diri.

Ai jadi jadianna do hita, angka na tinompa di bagasan Kristus Jesus, asa marulaon na denggan hita; ai angka i do dipature Debata hian, asa taparangehon i.

Dibahen i, hamu sipele begu hian, ma targoar na so pparsunaton, digoar angka angka na somal didok parsunatom ma pinatupa ni tangan di sibuk i; ingot hamu ma;

Ndang parjambar di Kristus hamu uju i; di balian ni harajaon Israel do hamu, jala ndang taruli di angka parpadanan baga baga; soada sihirimon jala soada Debata di hamu di tano on.

Alai anggo nuaeng, di bagasan Kristus Jesus do hamu; jala dao pe hamu na jolo, gabe dipajonok mudar ni Kristus i do hamu nuaeng.

Ai Ibana do pardameonta, dung dipasada an dua i jala ditangtangi dorpi parholangan i, i ma hamusuon i.

Ai di bagasan dagingna do diloha Ibana patik i, i ma angka tona dohot aturan, asa ditompa di bagasan dirina na dua i, gabe sada jolma na imbaru, pajongjong dame.

Jala dipadenggan do na dua i di bagasan daging na sasada i tu debat, binahen ni silang i; ai disi do dipusa Ibana hamusuon i.

Dung i ro ma ibana, mamaritahon dame di hamu angka na dao, dame nang di angka na donok.

Ai marhite Ibana adong do dalan manopot Ama i di hita na dua ragam i, di bagasan sada Tondi.

Asa ndada be angka paisolat manang panginsua hamu; angka dongansaharajaon raphon angka na badia do, jala dongan sabagasa ni Debata.

Ai dipauliuli do hamu di atas ojahan ni angka apostel dohot panurirang; Kristus Jesus sandiri do batu pasuhisuhi disi.

Di bagasan Ibana do martomu sandok bagas i jala lam gansa, gabe joro na badia di bagasan Tuhan i.

Di bagasan Iabana do nang hamu rap dipauliuli, gabe parmianan ni Debata di bagasan Tondi i.