:
1 Ende sian si Daud. (13:2) Sadia leleng on do, ale Jahowa, sai halupahononmu ahu tongtong? Sadia leleng on do tabunihononmu bohim sian ahu?
2 (13:3) Sadia leleng on sai mardondami rohangku, sai humasusa rohangku di bagasan manipat ari? Sadia leleng on sai angatan ni alongku ahu?
3 (13:4) Tatap tu on, jala alusi ahu, ale Jahowa, Debatangku; sai patiur ma parnidaanku, asa unang laos mate modom boti ahu.
4 (13:5) Asa unang dohonon ni musungku: Nunga tung hupatunduk ibana, gabe marsurak angka alongku maon, molo tung reberebe ahu.
5 (13:6a) Alai anggo ahu, marhaposan tu asi ni roham do ahu, ingkon marolopolop rohangku mida pangurupim,
6 (13:6b) marende ma ahu tu Jahowa, ai denggan do uhumna tu ahu.