:
1 Halleluya! Puji hamu ma Debata di bagasan habadiaonna i, puji hamu ma ibana di hajanghajang ni hagogoonna i!
2 Puji hamu ma Ibana ala hagogoonna, angka na sumurung i, puji hamu ma Ibana, hombar tu hinagodang ni hatimbulonna.
3 Puji hamu ma Ibana mardongan soara ni sarune, puji hamu ma Ibana mardongan arbap dohot sordam.
4 Puji hamu ma Ibana mardongan tali sajak dohot panontoron na marliat, puji hamu ma Ibana mardongan hasapi dohot tulila!
5 Puji hamu ma Ibana mardongan ogung panggora, puji hamu ma Ibana mardongan ogung panonggahi!
6 Sude na marhosa ingkon mamuji Jahowa! Halleluya.