Ephesians 3

1

I me nai Paulus en Iesus Kristus a salidi men pweki komail men liki kan,

2

Due me komail ronadar iran ai koa dodok en mak en Kot, me i aleer pweki komail.

3

A kaudial eu, me kasansale on ia, me rir akan, duen ai intin motomot on komail er nin tapi o

4

Ari, ma komail pan wadok, komail ap pan diar, duen ai lolekon ni me rir akan ren Kristus.

5

Me sota kadiarok on aramas akan ni muein mas O, ap kadiarok on sapwilim a wanporon o saukop saraui kan ren Nen.

6

Pwe men liki kan en ian soso o ian kisan war a, o ian a inau ren Kristus Iesus ki ronamau,

7

Me nai wiala papa men duen ai pai en mak en Kot, me i aleer ki a manaman lapalap.

8

Nai, me tikitik san saraui kan karos, aleer mak wet, en padaki on men liki kan duen kapwapwa lapalapia en Kristus.

9

O pwen kamaraini amen amen duen koa dodok en rir akan, me nekinek san nin tapin kaua ren Kot, me kotin kapikadar meakan karos,

10

Pwe ansau wet men poa kan o me manaman akan, me kotikot nanlan, en ereki momodisou son en erpit en Kot karos.

11

Duen kupur a, me a kotin kileledier ni tapin kaua ren Kristus Iesus atail Kaun.

12

Pweki i me kitail pil kak aimaki tu on Kot ni atail kaporopor o poson i.

13

Nan i me i men poeki, komail ender motot ki ai kamekam kin komail, pwe men kalinanada komail.

14

I me i kin kelepuki on Sam en atail Kaun Iesus Kristus,

15

Me mar en penainai pokon nanlan o sappa tapi san ia.

16

Pwen kotiki on komail manaman, duen a kapwapwa en a linan, en kelaileki Nen i nan pali lol en aramas,

17

Pwe Kristus en kotikot nan monion omail pweki omail poson, pwe komail en tenedi o sondi ni limpok,

18

Ap kak on ian saraui kan karos dedekida talap, o aned, o lol, o ile;

19

O en pil asada limpok en Kristus, me sikida san erpit karos, pwe komail en direki kupur en Kot karos.

20

A i, me manaman on wiada, me lapa san atail poeki o lamelame duen o manaman o, me kin dodok lol atail.

21

Linan en ko on i ni momodisou pan Kristus Iesus kokolata soutuk. Amen.