Galatians 3

O komail men Kalesia pweipwei, is me kotaue komail? Pwe mom en Iesus Kristus a lopular wiauier mon mas omail.

let eta me i men kalelapok re omail: Komail aleer Nen ni wiawia en kapun kan, de ni padak en poson?

Iduen omail lolepon? Komail tapia kidar Nen, a komail men kaimwisok kilar uduk?

Komail kalokolok laud, ap sota pan katepa? Ma idue met a sota kak wiaui.

Me kotiki on komail er Nen, o wia manaman akan nan pun omail daduen, wiawian kapun kan me kareda, de padak en poson?

Dueta Apraam me poson Kot, ap wadok on I kapuna pa.

Komail ap asa duen irail me kin poson, irail seri en Apraam. o wia manaman akan nan pun omail daduen, wiawian kapun kan me kareda, de padak en poson?

A kisin likau o asaer mas o, me Kot, pan kotin kapunala men liki kan ki poson, i me a padaki on Apraam ronamau mas o: Wein sappa karos pan paie kin

Pwe karos me poson, pan ian Apraam poson kapaida.

Pwe me kin kaporoporeki wiawia en kapun kan, pan kariala. Pwe a intinidier: Karos me riala, me sota pan dadaurata meakaros, me intinidier nan puk en kapun, pwen kapwaiada.

A sansal, me sota amen kak pun kila kapun ren Kot; pwe me pun amen pan memaureki poson.

A kapun sota tapi san ni poson, pwe meamen kapwaiada mepukat, pan memaur kida.

Kristus me kotin do re kitail san ni karia pan kapun, ni a ria kin kitail lar; pwe a intinidier: Amen amen me lanalon nin tuka o me riala.

Pwe pai en Apraam, me tapi san ren Kristus Iesus, en lel penan men liki kan; pwe kitail en ale inau en Nen ki poson.

Ri ai kan, i pan lokaia ni tiak en aramas akan. Iaduen inau en aramas eu me kileledier, sota amen me pan kawela de ekis, me a pan pouse on.

Ari, inau o wiauier on Apraam o kadaudok a. A sota masanier: Kadaudok a to to, pwe duen me ta men: Kadaudok om me ta men, iei Kristus.

let me i inda: Inau me Kot kotin kileledier, a sota kak okila kapun o, me wiauier saunpar papuki sileisok murin inau o, pwe inau ede pwaida.

Pwe ma soso tapi san kapun, a sota kak tapi san inau; a Kot kotiki on Apraam ki inau.

A menda kapun? A wiauier pweki sapun kan, kadaudok o lao pwarado, me inau wiaui on, me wiauier ren tounlan kan ki pa en saunkapun.

Ari, saunkapun sota kin kelep eta, a Kot me kelep eta.

A iaduen, kapun o kin palian inau en Kot akan? O so! A ma kapun eu pan wiaui, me pan kak kamaurela, nan melel, pun ap pan tapi san nan kapun.

A kisin likau o me kol penan dip meakaros pwe inau en tapi san ni poson Iesus Kristus, en pai on irail, me poson.

Ni ansau poson saikenta pwarado, kitail nikinik o salidier pan kapun, lao poson pan kasansaleda.

Ari, kapun atail saunpadak, lao Kristus pwarado, pwe kitail en pun kila poson.

A poson lao pwarador, kitail solar mi pan saunpadak o.

Pwe komail karos seri en Kot, ki poson Kristus Iesus.

Pwe komail me paptaiser on Kristus, komail likaui kidar Kristus.

Solar men Sus de Krik, solar ladu de me maioda, solar ol de li komail karos dupeneta ren Kristus Iesus.

A ma komail sapwilim en Kristus, nan komail pil kadaudok en Apraam, o seri soso duen inau o.