Revelation 6

I kilan ni en Sippul a lauad pasan eu ren katen isu, o i roner amen ren man pamen masanieki nil me ras on nansapwe: Kodo!

I ap kilaner os puetepuet amen, o me mondi poa kasik katieu mi re a, o mar eu ko on i, i ari koti wei, pwen kalokaloedi.

Ni a lauad pasan katen kariau, i ap roner man kariamen masanier: Kodo!

Amen os me waitata ap pwarado, a me mondi poa a muei on i, en kawela muei mau nin sappa, o tou a kan pakamekam pena, a kodlas kalaimun me panalan i.

Ni a lauad pasan katen kasilu, i roner man kasilimen masani: Kodo! I ap kilaner os tontol amen, o me mondi poa, men tenok mi ni lim a.

O i roner nil eu nan pun en man pamen indinda: Son en wit eu denar eu, o son en korn silu denar eu, a le o wain der kawela!

A ni a lauad pasan katen kapaieu, i roner nil en man kapamen masani: Kodo!

I ap kilaner os pasas, o me mondi poa, mar a Mela, o wasan mela me idauen i. A kapi on i en kaunda pakis eu en sappa, en kamekila kodlas, o isesol, o mela, o ren man laualo en sappa kan.

A ni a lauad pasan katen kalimau, i kilaner pan pei saraui nen en me kamekila masan en Kot, o ar kadede, me re wia.

Irail likelikwirki nil laud indinda: Arai da, Main, Kaun saraui o melel, komui so kadeikada o iki kin nt’ at on irail, me kauson sappa?

Likau puetepuet me panalan irail karos, o a kotin masani on irail, ren moleiloi mas ekis, a lao ian ar o ri ar akan unsokelar, me pan kamekamela dueta pein irail.

O i kilaner ni a lauad pasan katen kawonu, rerer en sappa lapalap ap wiaui, katipin rotala dueta likau tontol, wunen eu o maram waitatala dueta nta.

O usu en lan akan pupedi on sappa, due tuka pik pot kasedi wa kan me pul, ni a tualok ki an ma,

O lan kasaula dueta kisin likau ni a limlim pena, o nana karos o dake karos torak san deu ar,

O nanmarki en sappa kan, o monsap, o saumas akan, o kapwapwa kan, o me kelail, o ladu kan karos, o maio kan rukila nan por o pan paip en nana kan.

Ap indan nana o paip akan: Pupedi po at o pwain kidi san mon silan en i me kotidi pon mol o, o san ni onion en Sippul.

Pwe a leler ran lapalap en a onion; o is me pan kak pwaida?