Romans 7

1

DE ri ai kan, komail sota asa i kin peidok ren me asa kapun o me kapun o kin poedi aramas arain a memaur?

2

Pwe li amen, me a warok mia, kin kaupinki kapun en a warok arain a memaur. A ma a warok melar, a muei saner kapun en a warok.

3

A ma a pan paudeki amen ol ni a warok memaur, a pan adaneki kamal amen; a ma a warok melar, a muei saner kapun, ap sota pan kamal amen, ma a pan pur on amen ol.

4

Ari ri ai kan, iduen pil komail mekilar kapun o pweki war en Kristus, pwen wiala nain amen, iet, me iasadar san ren me melar akan, pwen kaparapar on Kot.

5

Pwe ni at kekeideki tiak en pali uduk, inon en dip me kelail nan kokon atail pweki kapun o, pwen kaparapar on mela.

6

A met kitail muei saner kapun o, pwe sal pat on mela olar, pwe kitail en papa on tiak kap en nen, a kaidin on tiak marin en intin.

7

Ari, da me kitail en inda? Me dip kapun o? O so! A i pan sasa dip, ma so kapun. Pwe I pan sasa duen inon sued, ma kapun so kalok kidar: Koe der norok!

8

A dip kadiarok kidar kusoned, ap kainon on ia son en inon sued karos, pwe ma sota kapun dip mela.

9

Pwe mas o i sota mi pan kapun, ap mamaureta, a kusoned lao mia, dip ai ap diarokadar.

10

A nai melar; kusoned, me loki don ia, pwe i en maure kida, kare on ia mela.

11

Pwe dip kadiarok kidar kusoned liapai ia dar, ap kame ia lar.

12

Ari, kapun o me saraui o kusoned me saraui, a pun o mau.

13

A iaduen me mau kot kare on ia mela? O so! A dip en sansale kida me kamau o ni a kare on ia mela, pwe dip en sansale kida kusoned.

14

Pwe kitail asa, me kapun o me nenin, a nai me uduken o netilan dip.

15

Pwe i sota asa, da me i en wia. Pwe kaidin me i mauki, me i kin wiada, a me i kin suedeki, iei me i kin wia.

16

Ari, ma i kin wiada, me i kan wia, nan i kin kasansaleda, me kapun me mau.

17

A ma i wiadar, me i sota men wia, kaidin nai me wiadar, a dip me mimi lol i.

18

Pwe i asa, me sota mau kot mi lol i nan uduk ai, pwe i kin men wiada me mau, a en anada me pun i sota kak on.

19

Pwe me mau o, me i men wiada, i sota kin kapwaida, a me sued, me i kan, i me i kin wiada.

20

A ma i wiada, me i so men wiada, kaidin nai me wiada, a dip me mi lol i.

21

let me kapun kadiarok on ia: Ni ai men wiada me mau, me sued mimi re i.

22

Pwe i kin mauki kapun en Kot pali lol en aramas.

23

I ap diaradar eu kapun ni ai kokon akan, me kin palian kapun en loli, ap kalua ia di pan kapun en dip, me mi nan ai kokon akan.

24

O nai aramas luet amen! Is me pan kamaio wei ia san ni war mela wet!

25

I danke Kot pweki Iesus Kristus atail Kaun. Nan lol i i kin papan kapun en Kot, a ni pali uduk kapun en dip.

alkitab.me