Kai ikotie loko TUHANE be, “TUHANE, kena au ndi auku henare sare au rekwa peneka be Aatiasi mo. Le laleMue mise kai Aoki tamata. Kai TUHANE Atahane lale kai Aono misete ete tamata rame. Au rekwa be tamata rebe esi hleke bei esi dosaru laleMue noasi eleki Ahukumesi moneka. Masike laleMue kena bunusi lekwe po saisa mo. Ele mere eti au naya lori kota Tarsise.
3
TUHANE, mise lesire au mata noma. Au suka hidupe moneka.”
4
Po TUHANE Ibeteke lokoi be, “Anasu ele mere saisa mo.”
5
Yunuse isiri bei kota mere, irue sapleuke lemataije sa bei kota mere. Ieleke tale sae me eleki irue ete mere kena inamake be saisa eono kena kota mere.
6
Eleki TUHANE Alla Iono ai sae me ekusu elia Yunuse leke iaramau kenae leke laleije ndina. Hoko Yunuse laleije ndina titinai le ai mere.
7
Po ele bobanure kena lemataije sare, Alla Iono batele sae me eloba ai mere eleki endulu.
8
Eleki kena lemataije ebolare Alla Iono balate bei lemataije sa hoko musu titinaije neka. Yunuse klolikeni kai isuka be imata neka. Hoko ibeteke be, “Au mata noma. Au suka hidupe moneka.”
9
Po Alla Ibeteke lokoi be, “Anasu le ai mere muture yake. Anasure saisa mo.”
Eleki Yunuse iralake be, “Au nasure saisa mo le mula? Au nasu eti au mata.”
10
Eleki Alla Ibeteke be, “Ai meije aaknane pise ali loko mo. Ekusu kai emuture kena petu esa yo lalemue noae,
11
hoko kota Niniwe elake mere lekwe laleKue noae lesi le batuke esi binatana pialaru boka mo po esi tamata usata utune esa butu lua (120.000) lesi rebe esi rekwa misete pise tiare more esi rue ete mere.”