Acts 13
NAN momodisou en Antiokien saukop o saunpadak kai mia. let akan: Parnapas, o Simeon me pil ad a Niker, o Lusius men Kirene, o Manaen, me ian monsap Erodes apwalidar, o Saulus.
A ni arail papa on Kaun o, o kaisesol, Nen saraui ap kotin masani: Katorore san on ia Parnapas o Saulus, pwen wia dok eu, me I ki on ira er!
Irail ap kaisesol o kapakap o kidan po ’ra pa ar, re ap kadar ira wei.
Ira ari me pakadara kila Nen saraui ap kotila Seloisia, wasa ira kereda pon sop pot tanalan Sipern.
Ira lao mi Salamis, ap padaki duen masan en Kot nan sinakoke en Sus akan. A Ioanes papa men pil ian ira.
Irail lao kakan sili nan dake lel kanim Papos, rap diaradar ol amen, me kin kati ani, saukop likam amen, kisan men Sus, ad a Par Iesus,
Me kin mi ren Serkius Paulus ol lelapok amen. I me ekere don i Parnapas o Saulus, pwe a men roneron masan en Kot.
A Elimas widinak (pwe i wewe en ad a) palian ira, pwen kapure san saumas ni poson o.
Saulus, me pil adaneki Paulus, dir en Nen saraui, kankakil i,
Indada: Koe meid dir en widin o mesued, o nain tewil o me kailonki me pun karos. Koe sota pan dukedi san palian al inen en Kaun akan.
A kilan met, lim en Kaun o mi po om. A koe pan maskun, ap solar kilan katipin ansau kis. Ari, a madan ediedelar o rotalar; I ap raparapaki sili men ale pa a, en kaweid i.
Saumas lao masani me wiauier, ap posonlar, pwe a puriamuiki padak en Kaun o.
Paulus o a warok kai ap kotila san Papos tanatan ko don Perke nan wein Pampilia. A Ioanes muei san ira, purelan Ierusalem.
A ira masalewei san Perke o kotilan Antiokien en Pisidien o kotilon on nan sinakoke ni ran en sapat kaipokedi.
A lao nikier ar dondoropwe kapun o saukop akan saumas en sinakoke kai ap ilakilan ira masani: Ri (at) oko ma masan en panau nan pot on aramas pukat mi re oma, koma ari kida!
Paulus ap kotida ololeki lim a masani: Ol en Israel komail o me kin masak Kot, komail en ron!
Kot en men Israel pukat, me kotin piladar sam atail akan o kapakapaiada aramas oko ni ar kaikairu sili Akipten, o lim a manaman, me a kotin kalua kin irail san wasa o.
A impan saunpar paeisok a kotin apapwali irail nan sap tan.
Kadekadeo a lao kotin koko san wei isu nan Kanaan, ap kotin nek on irail sap arail.
O murin met a kotiki on irail saunkapun kan irerokedo par papuki limeisok lel on saukop Samuel.
A san ni ansau o re inon ion nanmarki amen. Kot ap kotiki on ir. Saul nain Kis, ol en kadaudok en Peniamin amen, saunpar paeisok.
A lao kasapokelar, ap kotiki on irail Dawid, pwen nanmarki, me a pil kotin kileledier masani: I diaradar Dawid nain lese, ol amen duen inon eti monion i, me pan wiada insen ai karos.
San nan kadaudok a Kot kotikido Iesus, pwen Saunkamaur pan men Israel, duen sapwilim a inau.
Murin Ioanes a kotin padaki on men Israel karos duen paptais en kalula mon a kotido.
A Ioanes lao kapwaiada sapwilim a dodok, ap kotin masani: Is me komail lamelame me nai? Kaidin nai i. A kilan amen kotido, kisin sal en sapwilim a sut i sowar en lapwada.
Komail ol o ri ai kan, komail kadaudok en Apraam, o meamen me masak Kot re omail, padak en kamaur pot et pakadara don komail.
Pwe me kaukauson Ierusalem o ar saumas akan kapwaiada kokop en saukop akan, me kin wadawad ni sapat akan karos, ni ar kadeikada i, pweki re sasa i.
A sota me re diaradar, me a kak kamata kila. Ari so, re poeki ren Pilatus, me a en kamatala i.
Irail lao kapwaiada karos, me intinkidi i, re ap kidi san I nin tuka o kidi i nan sousou o.
A Kot me kotin kaiasada I san ren me melar akan.
O ran toto me a kotin pwara don me ian i kotilan Ierusalem san Kalilaa, me sapwilim a saunkadede on aramas akan.
A kit padaki on komail ronamau duen inau on sam atail akan,
Me Kot kotin kapwai on kitail nairail seri kan, ni a kotin kaiasadar lesus duen a intinidier nan psalm kariau: Koe nai Ol, I kanaitik uk adar ran wet.
A duen a kotin kaiasada i san ren me melar akan, pwen der mor pasan, i me a kotin masanieki met: I pan ki on komail pai melel en Dawid akan.
I me a pil masanieki ekis wasa: Re sota pan kotin mueid on, sapwilim ar Saraui o pan mor pasan.
Pwe Dawid lao kapwaiada a papa on kupur en Kot ni a ansau, ap saimokelar, a saredier impan sam a ko, ap mor pasan.
A i me Kot kotin kaiasadar, nan a sota kotin mor pasan.
Ari ri ai kan, komail asa, me lapwa pan dip akan ren men et kin kaloki on komail.
A me pan poson i, nan i me punalar san meakaros, me komail sota kak pun kila kapun en Moses.
Ari, komail kalaka, pwe a depa pwai on komail, me saukop akan masanier:
Kilan, komail me kin lalaue, puriamuiki o soredi, pwe I pan wia dodok eu ni omail ansau, me komail sota pan kamelele, ma amen pan kasokasoi on komail due.
Irail lao pedoi san ap poekipoeki, kasoi pukat en kalok on irail ni ran en sapat kokodo.
A saraui lao nikier, men Sus o Proselit lelapok toto idauenla Paulus o Parnapas, me mamasani on irail o panaui irail, ren pod id i on mak en Kot.
A ni sapat kokodo karos toun kanim o pokon pena, pwen ron masan en Kot.
A Sus akan lao kilaner pokon o, ap pepeirinki o lidere meakan, me Paulus kaweweda; re palian o lalaue.
A Paulus o Parnapas ap so masak katitiki: Masan en Kot en loki don komail mas, a pweki omail kase san, o wia kin komail sowar on maur soutuk, kilan, se sope wei on men liki kan.
Pwe iet duen me Kaun o kotin masani on kit: Nai me kasapwil uk adar, pwen marain pan men liki kan, pwe koe en kamaur sili lei sap karos.
Men liki kan lao ronadar met, ap peren kidar, o kapina masan en Kot o karos, me kileledi on maur soutuk, posonlar.
A masan en Kaun o lolok sili nan wei kan karos.
A Sus oko kamakarada li saupeidi lelapok o saumas en kanim kan, o kapei on Paulus o Parnapas aramas o kasapoke ir san nan sap arail,
A ira sipede san ni aluwilu ar pwel, pwen kadede on irail, ap kotilan Ikonien.
A tounpadak kan me dir kila peren o Nen saraui.