Acts 21

KADEKADEO kit lao maselwei san murin at kamurimuri on irail se tanatan inen won Kus, a manda lel on Rodus, a san wasa o se tanalan Patara.

Kit lao diaradar sop pot, me pan kola Ponisien, se ap keredan poa maselwei.

Kit lao kilaner Sipern, se dauli ni pali maun, tanatan kolan Sirien ap supi on Tirus, pwe i wasa audepan sop o pan pwilidi ia.

Se lao diaradar tounpadak kan, kit ap mimieta wasa o ran isu. Irail ap masanki Nen, Paulus ender kodalan Ierusalem.

Kadekadeo kit lao kaimwisokila ran oko, se ap masel kokola. Irail karos me likid kit lel likin kanim, li o seri kan pil ian; kit ap kelepuki ni oror, o kapakap.

Kit lao kamurimur pena, se ap kereda pon sop o, a irail purelan deu ’rail.

Kit tanatan kodo san Tirus ap ko don Ptolomais; kit ap ranamaui saulan kan o kairu re ’rail ran eu.

A mandan ran o se maseler, ap lel on Sasarea, kit ap pedelon on nan im en saunpadak Pilipus, me kisan isimen oko, o mimieta re a.

Amen et na seripein makelekel pamen mia, me kin deideikop.

A ni at kaukauson wasa o ran toto, saukop amen ap kodido san Iudaa, me ad a Akapus.

A lao pwara don kit, ap ale sapwilim en Paulus pirapir pira pena pein pa a o na a kan, ketitiki: let me Nen saraui kotin masani: let duen men Sus oko, me mi Ierusalem, pan saliedi ol o, me a pirapir wet, o panalan i nan pa en men liki kan,

Kit lao ronada mepukat, kit o pil irail karos toun wasa o ap poekipoeki a ender kotidalan lerusalem.

A Paulus kotin sapen: Da me komail sanesanki o kawekila nan monion i? Pwe kaidin salidi eta, me i kak on, pwe pil mela nan Ierusalem pweki mar en Kaun Iesus.

A lao sota duki on, kit ap nenenla indada: Kupur en Kaun o en pwaida.

Murin ran pukat se ki pena at kapwa kan o daululan Ierusalem.

A tounpadak en Sasarea kai pil ian kit, o re ukado Mnason men Sipern, tounpadak ma amen, me se pan kairu re a.

Kit lao lel Ierusalem, saulan kan kasamo kit popol.

A mandan ran o Paulus ian kit kotila ren Iakopus o saunkoa karos pokon pena wasa o.

A lao ranmaui irail, ap kotin kasokasoia meakan, me Kot kotin wiai on men liki kan ki a dodok.

Irail lao ronadar mepukat, re ap kapinaki Kot indai on i: Ri at kilan men Sus me totoia me ian posonlar, o irail karos kin kesempwali kapun o.

Nan a loki on irail duen komui, me dene komui kin kaukawewe men Sus, me dondole men liki kan, ren kasela Moses o padapadaki, re ender sirkomsais seri kan, o pil der dadaur tiak kan.

A iaduen, pokon pan wiaui, o re pan ronada, me komui samador.

Ari, komui pan wiada met, me se pan indai on komui: Ol pamen mi re at, me ar inau mia.

Uk irail ada o kamakelekel komui da ianaki irail, o pwain irail pwe mon arail en seisei, o karos pan kilan, me likam pot, me re roner duen komui, o me komui pil kin kapwaiada kapun o.

A duen me posonlar san ren men liki kan, se intiniedier o kusoned edar, me ren der kapwaiada mepukat. A iet eta: Ren liki san uduk me mairon on kot likam, O nta, o man mopelar, o nenek.

Paulus ap kotin ukada ol oko, a manda a kamakelekelada pein i ap ian irail kotilon on nan im en kaudok o kotin kasaledar ran en arail kamakelekel, lel mairon en amen amen wiauier.

A ran isu lao koren ion nikier, men Sus en Asien ap kilaner i nan im en kaudok o, rap kamoromoroda aramas karos o saikidi i,

Weriwerada indada: Ol en Israel, komail sauasa, iet aramas o me kin kaukawewe on karos wasa karos, ren palian Sus akan, o kapun, o wasa kis et, o a pil kalua don nan im en kaudok men Krik kai, o kasaminela wasa saraui wet.

Pwe mas o re kilanadar, me Tropimus men Episus ian i nan kanim o, re ap kiki on, me Paulus kalualon on i nan im en kaudok.

A kanim o moromoronada kaualap o aramas akan tan pena. Re ap saikidi Paulus o waike san i nan im en kaudok o, a wanim ko ap madan ritidi.

Irail pan kamela i, a ron ap lel on saumas en saunpei kan, me Ierusalem moromoronda.

I ari madan ukada saunpei o saumas akai ap tanadi won irail Ir lao kilan saumas o saunpei ko, re ap solar woki Paulus.

Saumas o ap kai on, koledi i masani, i en salikidi sal mata riapot, o idok: Is i, o da me a wiadar?

A akai san nan pokon o weriwer wiada eu son en lokaia a akai eu. A ni a sota kak weweki, me re moromoronki, ap masani, a en wisikelan nan im en saunpei.

A lao lel on kandake o, saunpei ap wewa i, pweki pokon o koiden pena i.

Pwe pokon o, me idauen, weriwer indada: Siken wei i!

A ni en Paulus a pan wisi kelon on nan im en saunpei, a ap masani on kaun lapalap o: A sota muei on ia, en indan komui meakot? A ap masani: Komui asa lokaia en Krik?

Ari, kaidin komui ol en Akipten, me kapeida aramas oko mon ran akai, ap kalualan sap tan ol lolap pakid?

A Paulus masani: Nai ol en Sus amen, men Tarsus, kanim indand en Silisia eu, i men poeki re omui, en mueid on ia, en kapakaparok on aramas pukat.

I ari mueid on i. Paulus ap kotida pon kandake o olol on aramas akan. A lao molelar kaualap, Paulus ap kaparok on irail ni nor en Ipru masani: