:
1 Jabur Asap. Allah mingpin pasamoan sawargawi. Dina eta pasamoan Mantenna mutuskeun kieu:
2 "Maraneh ngahakiman teu meunang curang deui, teu meunang deui mihak ka nu jarahat!
3 Belaan anu lalemah jeung barudak yatim, sing adil ka nu mariskin jeung nu sangsara.
4 Leupaskeun maranehna tina genggeman para durjana.
5 Maraneh kacida lalaworana, kacida barodona! Geus enya-enya sarerong, nepi ka kaadilan leungit ti alam dunya.
6 Memang ceuk Kami, ‘Maraneh mahluk-mahluk ilahi, putra-putra Nu Maha Agung.’
7 Najan kitu maraneh ge pipaeheun cara manusa, bakal puput umur cara gegeden lianna."
8 Geura sumping, nun Allah, ieu bumi teh hakiman, margi sakumna bangsa-bangsa teh nya Gusti nu kagungan.