:
1 Waktu urang Israil budal ti Mesir, waktu turunan Yakub naringgalkeun eta tanah asing,
2 Yuda dijadikeun umat sucina PANGERAN, Israil dijadikeun milik kagungan Mantenna.
3 Laut Beureum mireungeuh, tuluy ngejat, Walungan Yordan ngocorna eureun.
4 Gunung-gunung tingarancul cara embe, pasir-pasir tingalajret cara anak domba.
5 Aya naon Laut, make ngejat? Jeung maneh, Walungan Yordan, ku naon make eureun ngocor?
6 Maneh gunung-gunung, ku naon tingarancul cara embe? Maneh pasir-pasir, ku naon tingalajret cara anak domba?
7 He bumi, hayoh gumeter dina sumpingna PANGERAN, di payuneun Allahna Yakub,
8 nu ngarobah gunung cadas ngajadi situ, gunung batu ngajadi cinyusu.