:
1 Lagu paranti jarah. Kaula mencrong gunung-gunung; ti mana baris datangna pitulung kaula?
2 Pitulung ka kaula datangna ti PANGERAN, nu ngadamel langit jeung bumi.
3 Mantenna moal ngantep anjeun tiguling, panyalindungan anjeun salawasna nyaring.
4 Panyalindungan Israil leleyepan ge tara, sumawonna kulem.
5 PANGERAN ngaraksa ka maneh, salawasna aya di gigireun, nangtayungan.
6 Maneh ti beurang moal nepi ka kumaha onam ku panonpoe, atawa ku bulan lamun ti peuting.
7 Ku PANGERAN tangtu ditangtayungan tina picilakaeun, maneh aman dijaga.
8 Dina datang dina indit maneh ditangtayungan ku Mantenna, ayeuna jeung salalawasna.