Jabur 127

Lagu anggitan Suleman. Mun lain PANGERAN nu ngadegkeun imah, pagawean tukang-tukangna moal aya hasilna. Mun lain PANGERAN nu ngaraksa kota, cumah bae dikawal dikemitan oge.

Cumah digawe pohara nyiar kipayah, hudang isuk-isuk, hees kapeutingan, da PANGERAN maparinan ka jalma nu diasih-Na teh waktu jelemana keur sare.

Anak teh kurnia ti PANGERAN, eta teh ganjaran sajati.

Anak lalaki anu lahir waktu bapana ngora keneh, eta lir jamparing anu dicangking ku prajurit.

Bagja jalma, anu loba boga jamparing saperti kitu, mun tepung jeung musuh di pangadilan, manehna moal kasoran.